Kreatief met Zentangle kuns

Al gehoor van Zentangle? Die ontwerp van jou eie unieke patrone – ‘n heerlike tydverdryf, ontspannend en boonop maklik om te leer.
Annatjie Dreyer het dié kuns aan Vroue Landbou Unie (VLU) lede gedemonstreer toe daar gewys is hoe om Zentangle op ‘scrap’ papier te doen. Annatjie vertel die kunsvorm is 14 jaar gelede begin deur Maria Thomas en Rick Roberts van Massachusetts. Dalk onthou jy nog toe daar op skool vetkryt oor ‘n bladsy gesmeer is en dan met swart bo-oor geverf is. Daarna is ‘n prentjie op die papier geteken. Met Annatjie se demonstrasie het elke VLU-lid twee A5 bladsye gekry om met dié kuns te versier vir hul eie voor- en agterblad vir hul 2019 jaarboeke waaraan daar met groot geesdrif gewerk is.
Jenny Groenewalt en Anna-Marie Ferreira het die oggend as gaste bygewoon. Kom kuier saam by die VLU waar allerlei temas en kreatiewe wenke gedeel word. Gaste is baie welkom. As jy meer wil hoor van die VLU, skakel Bernadet van der Ende by 082 474 0304, of Annatjie Dreyer by 082 464 0204.
Die VLU sien daarna uit om in die nuwe jaar heelwat gaste te ontvang.

Latest News

COMMENTS

Carletonville HeraldPotchefstroom HeraldSedibeng SterVaal Weekblad
Top