Ligte brand nog

Image: publiceyemaritzburg.co.za

Eskom is die enigste organisasie in die land wat beurtkrag kan aankondig, nie eens munisipaliteite het die outoriteit daarvoor nie.

So het Eskom gereageer in reaksie op gerugte wat Dinsdag wyd versprei is dat daar glo vandag (Woensdag 13 Junie) geen krag in die land sal wees nie.

Stemboodskappe en Facebook-inskrywings is versprei waarin mense aangeraai is om noodplanne te maak vir onder meer nie-bederfbare voedsel en kerse met die oog op die “nasionale stilstand”.

Die gerugte het gevolg na aanduidings dat Eskom-werkers vandag sou begin staak het uit ontevredenheid omdat hul vanjaar geen salarisverhogings sal ontvang nie.

Volgens Eskom-woordvoerder Khulu Phasiwe, wat die gerugte dat Eskom vandag die ligte gaan afsit, as onwaar bestempel het, sal Eskom alles in sy vermoë doen om seker te maak die ligte bly brand.

Eskom het ook sy werknemers herinner dat hulle nie mag staak nie omdat Eskom ‘n noodsaaklike diensverskaffer is.

Phasiwe sê Eskom sal sy gebeurlikheidsplanne bevestig sou daar protesoptrede wees, juis om seker te maak daar is elektrisiteitstoevoer.

Latest News

COMMENTS

Carletonville HeraldPotchefstroom HeraldSedibeng SterVaal Weekblad
Top