Likkewane laat die roeispane klap vir medalje-trots

Boonop het beide Parys se Hoërskool en   Laerskool roeispanne geskitter met eerste plekke uit die nagenoeg 30 hoërskole en 22 laerskole wat teenwoordig was. Hoërskool Parys het die wenposisie behaal met ’n  totaal van 470,5 punte, en Parys Primêre skool se wentotaal was 158 punte. Maar dit is nie al nie. Parys se roeiers het uit die 12 ouderdomsgroepe waarin deelgeneem is, skoonskip gemaak met niks minder nie as nege victor en victrix ludorum-toekennings. Die Parysenaars wat die toekenning ingepalm het, is Wian Prinsloo (2de o.8), Lyton Oelofse (1ste o.12), Jo-Ané Prinsloo (2de o.14), Denise Stoltz (2de o.12), Ruan van Pletzen (3de o.16), Abigail Bezuidenhout (2de o.16), Megan Oelofse (3de o.16), Sean van Pletzen (2de o.18) en Caroline van der Linde (3de o.18).
In totaal was die medaljetelling 19 goud, 30 silwer en 16 brons. ’n Ongelooflike trotse prestasie vir Parys.
Benewens hierdie skitter prestasies het Sean en Ruan van Pletzen, en Caroline van der Linde ook van 2 tot 4 April aan die Senior SA kano-kampioenskappe gaan deelneem. Daar is meegeding oor afstande van 5 000m, 1000m, 500m en 200m. Ruan wat nog o.16 is, moes meeding teen o.18 roeiers. Sean en Ruan het tussen die twee van hulle teruggekom met vier brons, twee silwer en vyf gouemedaljes. Albei word afgerig deur Kobus Erasmus.
Caroline het op haar beurt goud vir die K1 200m-item behaal.

Caroline van der Linde in aksie op die water. Sy was afwesig met die neem van die groepfoto.

Latest News

COMMENTS

Carletonville HeraldPotchefstroom HeraldSedibeng SterVaal Weekblad
Top