Koop ’n kaartjie en bring die Messias na Vredefort

Die Ensemble Fons Partita tydens die uitvoering van die Mozart Requiem in Maart 2017.

Hierdie gewilde werk vir koor en orkes was uit die staanspoor ‘n treffer, toe die bekende Halleluja-koor destyds die Engelse koning tydens die eerste uitvoering uit sy slaap gewek en laat opspring het. Die werk word in hierdie tyd deur verskillende musiekgroepe in Johannesburg en Pretoria aangebied.
Die Messias word in Mei in verskillende konserte ook deur die Koepel Kunstesentrum aangebied en uitgevoer deur dieselfde kamerkoor en orkes wat in 2017 die Requiem van Mozart na Vredefort gebring het.
Die orkes word aangevoer deur die internasionaal bekende barokvioliste, Antoinette Lohmann, van Amsterdam.
Om hierdie werk ook in Vredefort te kan uitvoer, is ‘n gehoor van minstens 200 mense nodig. Die NG Kerk in Vredefort het reeds ’n reputasie vir gereelde konserte uit die boonste rakke wat groot gehore lok, en dit behoort nie moeilik te wees om met so ’n  gewilde werk die kerk te vul nie.
Bring die Messias na Vredefort en help om hoë-kwaliteit uitvoerings wat andersins net in die stede gehoor word, in die platteland aan te bied.
Kaartjies kan dadelik bespreek word by Gerhard Benade, verkieslik per e-pos aan gerhard@deelfontein.co.za, of andersins per SMS aan 083 280 9784.
Indien 200 kaartjies teen 30 April verkoop is, vind die konsert plaas. Persone wat wil help om kaartjies te verkoop, kwalifiseer met elke 10 verkoopte kaartjies vir een gratis kaartjie. Kontak Gerhard vir besonderhede.
* Die Messias word op 19 Mei om 18:30 deur die Ensemble Fons Partita in die NG Kerk Vredefort uitgevoer. Toegang is R100 per persoon. Inligting is beskikbaar op www.deelfontein.co.za.

Latest News

COMMENTS

Carletonville HeraldPotchefstroom HeraldSedibeng SterVaal Weekblad
Top