Likkewane skitter by Wêreld Kano Marathon-kampioenskap

Twee Parysenaars, Kobus Erasmus en Sylvia Nel, het skitterend gevaar na afloop van die ICF  Wêreld Kano Marathon-kampioenskappe wat vanjaar vir slegs die tweede keer in die geskiedenis in Suid-Afrika gehou is.
Vanjaar se wêreldkampioenskappe is in Pietermaritzburg gehou. Dié prestige geleentheid is in 1996 vir die eerste keer in Suid-Afrika in Kaapstad gehou en het vanjaar meer as 600 deelnemers gehad.  Kobus en Sylvia het in die Meesters-afdelings gekompeteer, met Kobus wat ingeskryf was in die 65-69 jaar-afdeling, en Sylvia in die 50-54 jaar-afdeling.
Warm weer, vlak water en baie sterk kompetisie ten spyt, het Kobus geslaag met ’n skitterende 8ste plek in die K1, terwyl Sylvia kon spog met ‘n vierde plek saam met haar  spanmaat, Kate Lapacz.
Albei is lid van die Likkewaan-kanoklub in Parys.

Latest News

COMMENTS

Carletonville HeraldPotchefstroom HeraldSedibeng SterVaal Weekblad
Top