…"/>

Fliek Vlooi: A Dog’s Purpose

Links: Ethan as 'n tiener (KJ Apa) saam met sy hond Riley. Foto: Vulture.com

Links: Ethan as ‘n tiener (KJ Apa) saam met sy hond Riley. Foto: Vulture.com

As jy nog nooit in ’n fliek gehuil het nie, maak maar solank reg vir jou eerste keer. A Dog’s Purpose is seker die enigste fliek waarin ek minstens drie keer deur die fliek soos ’n baba gehuil het.
Dit is ’n drama-komedie wat handel oor ’n toegewyde hond (Josh Gad) wat poog om die betekenis van sy lewe te ontdek – die rede waarom honde ’n bestaan op aarde lewer.

Hierdie betekenis probeer hy vind deur sy verskillende lewens as hond in verskillende omstandighede en huishoudings oor ’n tydperk van sowat 50 jaar.

In een van sy lewens raak hy geheg aan sy eienaar, jong Ethan (Bryce Gheisar). Die twee (Ethan en sy hond Riley) word saam groot en bou ’n band wat net tussen ’n hond en sy sielsgenoot kan vorm, maar hierdie is net een van die baie lewens wat Riley moes leef.

Dekades later kruis Riley se pad weer met sy eerste eienaar, Ethan (Dennis Quaid), nou ’n ouer man, en hy help Ethan om homself weer te vind, en hom te herinner aan hoe hy as jong, gelukkige man was.
So besef Riley wat sy werklike doel op aarde is.

Ek gee A Dog’s Purpose 8½ /10. My hoë gradering spruit dalk vanuit my intensiewe liefde vir diere, en ek glo elkeen wat so lief vir diere is, ook hulself in ’n toestand in sal huil.
Die fliek het my verras. Aan die begin het dit vervelig voorgekom en het ek gedink kinders sou dit seker meer geniet, maar aan die einde dink ek het ek dit meer geniet as enige kind ooit sou kon.

Latest News

COMMENTS

Carletonville HeraldPotchefstroom HeraldSedibeng SterVaal Weekblad
Top